យើងដឹងបានអំពីបរិមាណទឹកដែលមាននៅលើភពផែនដីយើងនេះ ចុះចំណែកទឹកក្នុងដីវិញ? ការសិក្សាថ្មីមួយដែលគេបានបោះពុម្ពផ្សាយនៅលើ Nature Geoscience បានប៉ាន់ស្មានឃើញថា ការផ្គត់ផ្គង់សរុបនៃទឹកក្រោមដី មានប្រហែល 23 លានគីឡូម៉ែត្រគូប។ បើបរិមាណនេះស្ដាប់ទៅថាច្រើន វាក៏ព្រោះតែបរិមាណនេះគ្រប់គ្រាន់នឹងគ្របលើផ្ទៃដីក្នុងជម្រៅទឹក 590 ហ្វីត។
ក៏ប៉ុន្តែ នេះគឺជាបរិមាណរកឃើញ: មាន 6 ភាគរយនៃបរិមាណនោះដែលជាទឹកក្រោមរកឃើញថ្មីៗនៅជិតស្រទាប់លើ ឬសំបកនៃផែនដី។ នោះគឺជាវត្ថុដែលគេអាចបង្កើតមានឲ្យថ្មីវិញបាននៅក្នុងអាយុកាលនៃមនុស្ស តាមរយៈវដ្ដិនៃទឹកធម្មជាតិ និងលើសពីនេះ គឺជាវត្ថុដែលងាយនឹងរងការបំពុល និងឥទ្ធិពលនៃការប្រែប្រួលធាតុអាកាសដែលមានដូចជា បញ្ហារាំងស្ងួត និងទឹកជំនន់។
ការសិក្សាស្រាវជ្រាវពីមុនៗ បានបង្ហាញឲ្យឃើញច្បាស់ថា យើងកំពុងតែទាញទឹកពីជលសិលារបស់យើងច្រើនជ្រុល តែលើសពីនេះសង្ឃឹមលើការកម្រិតបរិមាណនៃធនធានមានកម្រិតនេះដែលនឹងទប់យើងពីការប្រើទឹកច្រើនដែលមានដូចជា អណ្ដូងទឹកជាដើម។ ក្រុមអ្នកជំនាញការសិក្សាស្រាវជ្រាវដែលចងក្រងឯកសារនេះ មានគម្រោងគណនារយៈពេលដែលយើងបានបន្សល់ទុក មុននឹងយើងទាញយកមកប្រើអស់។
